واحد الكهرباء قطعت عندة فى شقتة .. دور على كهربائى لحد ما لقى كهربائى سورى .. اسمة أبو عمار ... دار الحوار التالى بينهم .

- هو أنتوا كلكم إسمكم أبو عمار لية ؟ ...الكهربائى - هو أسم مشهور عنا فى سوريا ...

- إنت هنا من زمان يا هندسة ؟ .

- يعنى من حوالى 3 سنين ،، قعدت فترة فى المنصورة وبعدين انتقلت للقاهرة واستقريت فى العاشر .

- أهلا بيك !! الجو النهاردة صعب جداً ،، وأنت باين مش واخد على الحر دة وعرقان ....

الكهربائى - عنا فى سوريا الجو حلو كتير الله يكون بعونكم !! 

- انت خريج أية ؟

- انا طبيب اطفال !!! 

- نعم ؟! أنت بتهزر ؟ 

- لا دى حقيقة ، كان عندى عيادة اطفال فى سوريا بقرية قريبة من درعا و الحال وقف وجيت انا وعيلتى مصر ، زوجتى خريجة طب وبتشتغل فى حضانة أطفال وأبى كان صاحب مصنع والان عايش معنا وما يقدر يشتغل .

- لا حول ولا قوة الا بالله .. إمال لية مابتشتغلش شغلتك ولية كهربائى ؟! 

الكهربائى - ما اقدر امارس فى مصر وكمان ما عاد عندى رغبة والكهرباء هواية عندى من وانا صغير .

- ربنا يرجعك بلدكم بالسلامة وترجع لحياتك الطبيعية .

الكهربائى - خلاص يا أستاذ ما عاد فية بلد ولا عاد عنا أمل نرجع .. بس المهم ربنا يبارك لنا فى مصر ويحميها .. هى البلد اللى سترتنا وأهلها ناس ربنا يبارك فيهم ويحميهم .

- تسمحلى اكتب قصتك دى على الفيس ..

الكهربائى - اتفضل يا أخى بس أرجوك وأنت بتكتبها وجه رسالة على لسانى للمصريين وقولهم .. أبوس اديكم .. بالله عليكم حافظوا على بلدكم .. والله انتوا مش هاتتحملوا تعيشوا لحظة بشعور شخص متاكد ان بلدة ضاعت للأبد وانة اتكتب علية يعيش بقية حياتة بلقب لاجىء وبعد ما كان يقاله يا دكتور بيتقالة يا أوسطى وبعد ما كان بيشوف أبناؤة بيضحكوا من قلبهم شايفهم مقهورين وحاسين بالضعف ...

............... دى أقوى رسالة ممكن يتم توجيهها .. ياريت الأغبياء يفهموا .. ياريت الخونة يتعظوا .

منقول....